+100%-

ସୁନ୍ଦର ପୋଖରୀଟିଏ ଥିଲା । ସେଥିରେ ଗୁଡାଏ ପଦ୍ମଫୁଲ ଫୁଟିଥାଏ । ସେହି ପୋଖରୀରେ ଦୁଇଟି ମାଛ ଓ ଗୋଟିଏ ବେଙ୍ଗ ନିଜ ନିଜ ମଧ୍ୟରେ ମିତ୍ରତା ସ୍ଥାପନ କରି ରହୁଥାଆନ୍ତି । ଆଉ ମଧ୍ୟ ନିଜ ନିଜ ମଧ୍ୟରେ ଦୁଃଖ ସୁଖ ସହ କାଳାତିପାତ କରୁଥାନ୍ତି । ଏହିପରି ଭାବରେ ବେଙ୍ଗଟି ସେମାନଙ୍କ ସହିତରେ କିଛିଦିନ ରହିବା ମଧ୍ୟରେ ସେ ଜାଣିବାକୁ ପାଇଲା ଯେ ଏହି ଦୁଇସାଙ୍ଗଙ୍କ ମଧ୍ୟରୁ ଜଣେ ସାଙ୍ଗ ମନ୍ଦ ବୁଦ୍ଧିର ଓ ଅନ୍ୟ ସାଙ୍ଗ ଜଣକ ଖୁବ୍ ଅହଂକାରୀ ପ୍ରକୃତିର ।

ଏମିତି ଏକ ଦିନ ଆସିଲା ଯେ, ଦିନେ ସାଥି ହୋଇ ପୋଖରୀ କୂଳରେ ଥାଇ ସୁଖ ଦୁଃଖର କଥା ହେଉଥିଲେ । ଏହି ସମୟରେ ଜଣେ ମାଛୁଆ ଗୁଡାଏ ମାଛକୁ ମୁଣ୍ଡ ଓ ଜାଲ ମଧ୍ୟରେ ଧରି ସେହି ପୋଖରୀ କୂଳକୁ ଆସିଲା। ମାଛୁଆ ଜଣଙ୍କ ସେହି ପୋଖରୀ ଆଡ଼କୁ ଚାହିଁ କହିଲା ବାଃ ପୋଖରୀରେ ତ ଅନେକ ଗୁଡ଼ିଏ ମାଛଅଛନ୍ତି । ଆସନ୍ତା କାଲି ଅନ୍ୟ ଆଡ଼େ ନଯାଇ ଏହି ସ୍ଥାନକୁ ଆସି ମାଛ ଧରିବାକୁ ହେବ ।

ଏକଥା ତିନିଜଣ ସାଙ୍ଗ ଶୁଣି ପାରିଲେ, ଯେତେବେଳେ ମାଛୁଆ ପୋଖରୀ କୂଳରୁ ଚାଲିଗଲା । ସେତେବେଳେ ତିନି ସାଙ୍ଗ ମିଶି ପୁଣି କଥାହେଲେ । ସେତେବେଳେ ବେଙ୍ଗ ସହିତ ମନ୍ଦବୁଦ୍ଧି ସମ ସ୍ୱରରେ କହିଲେ – ମାଛୁଆ ଆସନ୍ତାକାଲି ନିଶ୍ଚୟ ଏଠାକୁ ମାଛ ଧରିବାକୁ ଆସିବ ।

google-tez-social
ତେଣୁ ଆମକୁ ଏହାର ପ୍ରତିକାର ଲାଗି ଏହି ସ୍ଥାନ ପରିତ୍ୟାଗ କରିବାକୁ ହେବ । କିନ୍ତୁ ସେମାନଙ୍କ ମଧ୍ୟରେ ଅହଂକାରୀ ମାଛ ଥିଲା ଯେ ସେ ସଙ୍ଗେ ସଙ୍ଗେ ଏମାନଙ୍କ କଥାକୁ କାଟିଦେଇ କହିଲା – ଦେଖ ମାଛୁଆ ସିନା କହିଗଲା, ହେଲେ ସେ କେବେ ଏଠାକୁ ଆସିବ ନାହିଁ । ତମେ ଯଦି ତା’ର ଆସିବାକୁ ବିଶ୍ୱାସ କରୁଛ ତାହାହେଲେ ମୁଁ କହୁଛି ମୋର ନିଜର ବୁଦ୍ଧି ତଥା ସାହାସ ବଳରେ ମୁଁ ତୁମକୁ ରକ୍ଷା କରିବି ।

ଅହଂକାରୀ ମାଛର କଥାକୁ ମନ୍ଦବୁଦ୍ଧିର ମାଛ କିନ୍ତୁ ସ୍ୱୀକାର କରିନେଲା । ସେ କହିଲା – ମୋର ସାଙ୍ଗ ଉଚ୍ଚିତ କଥା କହୁଛି । ବାସ୍ତବ କ୍ଷେତ୍ରରେ ଦେଖିବାକୁ ଗଲେ ସେ ଯେପରି ସାହାସୀ ସେହିପରି ଶକ୍ତିମାନ ମଧ୍ୟ । ଆଉ ମଧ୍ୟ ଯେଉଁମାନେ ବାସ୍ତବରେ ବୁଦ୍ଧିମାନ ସେମାନଙ୍କ ପକ୍ଷରେ କୌଣସି କାର୍ଯ୍ୟ କରାଇ ନେବା ଆଦୌ ଅସମ୍ଭବ ହୋଇନଥାଏ । ଉଦାହାରଣ ସ୍ୱରୂପ ଯେଉଁ ସ୍ଥାନରେ ସୂର୍ଯ୍ୟ ଅଥବା ପବନର ପଶିଯିବାରେ ଅସମ୍ଭବ ହୋଇଥାଏ ସେଠାରେ ବୁଦ୍ଧିର ପ୍ରବେଶ ଅତ୍ୟନ୍ତ ସହଜ । ତୁମେ ସାଙ୍ଗ ତା’ କଥାକୁ ଅସ୍ୱୀକାର ନକରି ଏହିଠାରେ ରହିଯିବା ଉଚିତ୍ ହେବ ।

ହେଲେ ଚତୁର ବେଙ୍ଗ ଦୁଇ ମିତ୍ରଙ୍କର କଥାକୁ ଶୁଣିପାରିଲା, ଶୁଣି ଶୁଣି ଶେଷରେ ସେ କହିଲା ଯେ – ଦେଖ ମିତ୍ର ମୁଁ କିନ୍ତୁ ତୁମ୍ଭ ଦୁଇଜଣଙ୍କର କଥାରେ ଆଦୌ ଏକମତ ହୋଇପାରୁନାହିଁ । ସେଥିଲାଗି ବିପଦକୁ ବରଣ କରିବା ଆଗରୁ ମୁଁ ମୋର ପରିବାରଙ୍କୁ ଧରି ଏଠାରୁ ଚାଲିଯାଉଛି ।

ସତକୁ ସତ ବାସ୍ତବରେ ଚତୁର ବୁଦ୍ଧିର ବେଙ୍ଗ ଭବିଷ୍ୟତ କଥାକୁ ବିପଦ ମନେ କରି ସେଠାରୁ ଅନ୍ୟ ଆଡ଼େ ଚାଲିଗଲା । ପୋଖରୀରେ ଜାଲ ପକାଇ ମାଛୁଆ ଅନେକ ମାଛଙ୍କ ମଧ୍ୟରେ ମନ୍ଦବୁଦ୍ଧି ଓ ଅହଂକାରୀ ବୁଦ୍ଧିର ଦୁଇ ମାଛକୁ ମଧ୍ୟ ଧରି ନେଇ ଖାଳେଇ ମଧ୍ୟରେ ରଖି ଦେବାପରେ ମାଛ ଦୁଇଟି ଜଳ ଅଭାବରୁ ମୃତ୍ୟୁ ବରଣ କଲେ । କିନ୍ତୁ ବେଙ୍ଗର ଦୂର ଦୃଷ୍ଟି ଥିବାରୁ ଏପରି ବିପଦରୁ ରକ୍ଷା ପାଇଗଲା ।